१३ पौष, दमक।
झापाको दमकमा जारी चौथो ध्रुवतारा कप अन्तराष्ट्रिय बुद्धिचाल प्रतियोगिताअन्तर्गत सातौं चरणको खेलको समाप्तिसँगै दुई भारतीय खेलाडी अग्रता कायम गर्न सफल भएका छन्।
प्रतियोगितामा भारतकका आसुतोस कुमार (१९०९) र सातौं चरणमा बरावरी खेलेका अनुराग जैसवाल (१९०७) ६.६ अंकका साथ शिर्षस्थानमा रहन सफल भएका हुन् ।
प्रतियोगिताअन्तर्गत आइतबार भएको सातौं चरणको खेलमा आसुतोसले उनकै देशका विपुल सुवासी (२१८४) सँग बरावरी तथा आठौं चरणमा नेहा सिंह (२०३७) लाई पराजित गरेका हुन् । त्यसैगरी अनुरागले सातौं चरणमा भारतकै राकेश गुरुङ (१९९४) लाई पराजित गरे भने आठौं चरणमा विपुलसँग बरावरी खेले ।
यता आठौं चरणमा बरावरी खेलेका सुवासी, नेपालका जनार्दन श्रेष्ठ (१९९९), रुपेश जैसवालल (१९७३), हिमाल लामा (१९३७) समान ६ अंक जोड्दै दोश्रो स्थानमा रहन सफल भएका छन् ।
त्यसैगरी इन्टरनेसनल मार्स्टस डि पि सिंह (२२२१), कृष्ण थापा (२०४१), विवेक थिङ (१९७०) र विश्व विजय घिमिर (१८४२) समान ५ दशमलब ५ अंकका साथ संयूक्त रुपमा तेश्रो स्थानमा रहेका छन् ।
उता सातौ चरणमा पराजित भएका भारतकी नेहा सिंह (२०३७), राहुल गुरुङ (१९०१), राकेश गुरुङ (१९९४), रौनक मण्डल (१८२७) सहित १८ जना खेलाडी ५ अंकका साथ संयूक्त रुपमा चौथो स्थानमा रहेका प्रतियोगिताका मुख्य आर्विटर उमेश केसीले जानकारी दिए ।
प्रतियोगिताअन्तर्गत सोमबार आठौं र नवौं चरणका खेलहरु हुनेछन् ।
Comments
Post a Comment