पथरी शनिश्चरेको व्यवस्थापन संजाल

३० भदौ, पथरी।
मोरङको नवघोषित पथरीशनिश्चरे नगरपालिकाको सुरक्षा, ट्राफिक व्यवस्थापन र वातारण संरक्षणको अभियानका लागि सामाजिक संघ संस्थाहरुको संजाल तयार भएको छ ।
पथरी उद्योग वाणिज्य संघका अध्यक्ष धनकुमार तामाङको संयोजकत्वमा गठित सुरक्षा व्यवस्थापन समितिले असोज ३ गते शान्ति सुरक्षा तथा वातावरण र सवारी दुर्घटनासम्बन्धी जनचेतनामुलक र्‍याली निकाल्ने तयारी गरेको छ । समितिको आजको बैठकले त्यसखाले निर्णय गरेको हो ।
विशेषत पथरी बजार क्षेत्रलाई व्यवस्थित गर्न उद्योग वाणिज्य संघ, जेसीज, प्रहरी, ट्राफिक प्रहरी, शिक्षण संस्था, पथरी बजार व्यवस्थापन समितिका अगुवाहरु सम्मिलित सञ्जाल सरहको समितिले निरन्तर गतिविधि गर्ने संयोजक तामाङले बताए।