मोटरसाइकल पल्टिँदा दम्पती घाइते

२८ भदौ, दमक । पूर्व पश्चिम राजमार्गअन्तर्गत झापाको धरमपुर ८ मा मोटरसाइकल पल्टिई भएको दुर्घटनामा मोटरसाइकलमा सवार एक दम्पती घाइते भएका छन् । पश्चिम आउँदैगरेको मे ३ प ८५४९ नम्बरको मोटरसाइकल अचानक पल्टिँदा मोटरसाइकल चालक झापा धाइजन १ का ५२ बर्षिय भिम बहादुर लिम्बु र पछाडी सवार उनकी ४० बर्षिया श्रीमती सिता लिम्बु घाइते भएका हुन् । घाइते दुबैको लाइफलाइन अस्पताल दमकमा उपचार भइरहेको इलाका प्रहरी कार्यालय झिलझिलेले जनाएको छ ।