दमक नगर बाल कराते कपको तयारी पूरा

२८ भदौ, दमक। बाल दिवसको अवसरमा दमक नगर कराते खेल बिकास समितिको आयोजनामा भोलि आइतवार हुने एक दिवसीय दमक नगर कराते कप प्रतियोगिताको अन्तिम तयारी पूरा भएको जनाइएको छ । समितिका अध्यक्ष बिमल खतिवडाका अनुसार बाल दिवसको अवसरमा गरिन लागेको प्रतियोगितामा माईवारीका १ सय ५० भन्दा बढी करातेका बाल खेलाडीहरु सहभागि हुने निश्चित भएको छ । समितिले आन्तरिक स्रोत जुटाएर यो प्रतियोगिता गर्न लागेको खतिवडाले बताए । कराते प्रशिक्षक राम चाम्लिङले दिएको जानकारी अनुसार ब्याडमिण्टन तथा कराते ट्रेनिङ सेन्टर दमक ११ मा प्रतियोगिता सञ्चालन हुनेछ भने मोरङको एउटा समुह मैत्रीपूर्ण खेलका लागि सहभागि हुनेछ । बालबालिकाको प्रतिभा बाहिर ल्याउने उद्देश्यले यो कार्यक्रमको आयोजना गरिन लागेको उनले बताए ।