आगालागिबाट तीन लाखको क्षति

३० भदौ, दमक। मोरङको मधुमल्लामा आइतबार साँझ भएको आगलागीमा करिब तीनलाख रूपैयाँ बराबरको धनमाल जलेर नष्ट भएको छ । साँझ ८ बजेतिर मधुमल्ला ७ का केदारनाथ कठायतको घरमा खाना पकाउने ग्याँस लीक भएर आगलागी हुँदा घर, घरभित्र भएका सामान जल्दा सो क्षति भएको प्रहरीले जनाएको छ । स्थानीयबासी, प्रहरी, र दमकलको प्रयासबाट साँझ पौने ९ बजे आगो नियन्त्रणमा आएको इलाका प्रहरी कार्यालय उर्लबारीले जनाएको छ ।