भ्वाइस अफ पूर्वाञ्चलको दोश्रो चरणको अडिसन सम्पन्न

तेज बन विश्वासी, २७ भदौ, इटहरी। पूर्वाञ्चलकै सबै भन्दा ठुलो पुरस्कार रासी भएको एकल गायन प्रतियोगीताअन्तर्गत पिएलओ भ्वाइस अफ पूर्वाञ्चलको दोश्रो अडिसन सुनसरीको इटहरीमा सम्पन्न भएको छ । पूर्वाञ्चलको सबै जिल्लामा सम्पन्न पहिलो चरणको अडिसन कार्यक्रममा १ हजार बढिको सहभागीता रहेको थियो, जसमध्ये दोश्रो चरणको अडिसनमा १ सय ५० जना छनोट भएर इटहरीसम्म आएका आयोजक एरिना टेलिभिजनले जनाएको छ । पहिलो चरणको अडिसन पार गरी सहभागी १ सय ५० जना बीच बिहीवार साँझ सम्पन्न दोश्रो चरणको अडिसनबाट तेश्रो चरणका लागि ५४ जना छनौटमा परेको आयोजक एरिना टेलिभिजनका स्टेशन म्यानेजर प्रेम अधिकारीले बताए । त्यस्तै तेश्रो चरणमा प्रवेश गरेका ५४ प्रतिष्पर्धीहरुबीच शनिवार चौथो चरणका लागि प्रतिष्पर्धा हुने स्टेशन म्यानेजर अधिकारीले जानकारी दिए । कार्यक्रमको निर्णायक मण्डलमा बरिष्ठ बाँसुरीवादक तथा गायक बलराम समाल रहेका थिए ।