८ भदौ, पाँचथर ।
आफ्नै श्रीमतीले छुरा प्रहार गर्दा पाँचथरको फिदिममा एक व्यक्ति गम्भीर घाइते भएका छन् ।
इलामको इभाङ ४ घर भई पाँचथर फिदिम १ गोसलाइनमा डेरा गरी बस्ने ३५ वर्षिय बसन्त योङ्यालाई हिजो दिउँसो पौने ३ बजेतिर आफ्नै ३२ वर्षीय श्रीमती भिमकुमारी चेम्जोङले छुरी हानेर घाइते बनाएकी हु्न् ।
घरायसी बिवादको कारण भिमकुमारीले श्रीमान बसन्तको टाउको र कानमा छुरा हानी गम्भीर घाइते बनाएको प्रहरीले जनाएको छ ।
घाइतेको फिदिमस्थित पाथिभरा हस्पिटलमा उपचार भइरहेको र छुरी प्रहार गर्ने महिलालाई छुरीसहित नियन्त्रणमा लिइएको जिल्ला प्रहरी कार्यालय पाँचथरको भनाई छ ।
Comments
Post a Comment