विर्तामोड सोमबार पनि खुल्ने

बिर्तामोड, भदौ १३ । चाडपर्व नजिकिएसँगै साप्ताहिक रुपमा हरेक सोमबार बन्द हुँदै आएको विर्तामोड बजार अब सातै दिन खुल्ने भएको छ । झापा उद्योग वाणिज्य संघ विर्तामोडका अध्यक्ष बलराम कार्कीको अध्यक्षतामा बसेको बैठकले आगामी छठ पर्वसम्म बजार खुलाउने निर्णय गरेको संघका कार्यालय सचिव राजु गौतमले जानकारी दिए । सेवाग्राहीलाई सेवा प्रदान गर्न सहज होस् भनेर बजार खुल्ला गर्ने निर्णय गरेको संघका अध्यक्ष कार्कीले बताए ।