२ सय २८ थान अवैध हतियार संकलन

योगी योगेन्द्र, १३ भदौ, संखुवासभा। संखुवासभा जिल्लामा गृह मन्त्रालयले तोकेको सयमसिमाभित्र जिल्ला प्रहरी कार्यालय संखुवासभाले ६३ नाल भरुवा बन्दुक संकलन गरेको छ । संखुवासभा प्रहरीले साउन महिनामा मात्रै जिल्लाका विभिन्न १२ वटा प्रहरी चौकीहरुबाट ६३ वटा भरुवा बन्दुक संकलन गरेको छ । अघिल्लो बर्ष ५३ थान, यसबर्षको बैसाख र जेठ महिनामा ५६ थान र असारमा ५६ थान गरी १ सय ६५ थान अवैध हतियार संकलन गरिएको जिल्ला प्रहरी कार्यालय संखुवासभाले जानकारी दिएको छ । अहिलेसम्म संखुवासभा जिल्लामा २ सय २८ थान अवैध भरुवा बन्दुक संकलन गरिसकेको प्रहरीले जनाएको छ । गृह मन्त्रालयले तोकेको समयसिमामा हतियार नबुझाउनेलाई खरखजना ऐन अनुसार कारवाही गरिने प्रमुख जिल्ला अधिकारी नन्दीकेशर त्रिपाठीले बताएका छन् ।