यौन धन्दा चलाउने संचालक र युवती पक्राउ

दमक/होटलमा महिला कामदार राखेर यौन धन्दा चलाउने दमक १० का दुई जना होटल संचालक सहित नौ जनालाई पहरीले समातेको छ । 
 गएराती साढे दश बजे प्रहरीको गस्ती टोलीले स्थानिय पाथिभरा खाजा घरका संचालकद्धय रोशन श्रेष्ठ र नारायण श्रेष्ठ सहित उनीहरुलाई समातेको हो ।
पक्राउ पर्ने अन्यमा होटलका पाच जना महिला कामदार र अन्य दुई युवा छन् ।
 प्रहरी निरिक्षक गोविन्दराज काफ्लले होटलहरु आठ बजे साँझ बन्द गर्नुपर्ने सहमति यस अघि प्रशासन र व्यवसायी बीच भएको बताउनु भयो । तर नियमको बर्खिलाप गरेकोले छापा मारिएको उहाँले बताउनु भयो । 
 प्रहरी होटलमा छापा मार्न जाँदा झगडा गरिरहेका ग्राहक भने उम्कन सफल भएको प्रहरीको भनाई छ । दमकका होटलहरुमा यौन धन्दा चलाइएको खवर सार्वजनिक भएपछि प्रहरीले निगरानी बढाएको हो । 
अति भएपछि खति हुन्छ भनेको यहि हो ।