दमकको लायन्सलाई जग्गादान

२७ माघ, दमक।
लायन्स क्लव अफ दमक माउण्ट एभरेष्टको भवन निर्माणका लागि दमकका तीनजना दाताले संयुक्त रुपमा करिव १० लाख रूपैयाँ मूल्य पर्ने एक कठ्ठा जग्गा दिएका छन् । लायन्स ग्रिनरी कोलनीका सञ्चालकत्रयले लायन्सको कार्यालय भवन निर्माण गर्न दमक-४ स्थित डाकिनीमा १ कठ्ठा जग्गा दान गरेका हुन् ।


दमकका चन्द्र गजमेर, फौद गहतराज र विरबहादुर रामदामले संयुक्त रुपमा १ कठ्ठा जग्गा दिएका हुन् । लायन्स क्लवका कोषाध्यक्ष समेत रहेका गजमेरले संस्थाको कार्यालय भवन बनाउन सो जग्गा दिएको र आगामी बर्षबाट भवन निर्माणको काम थाल्ने बताए ।