मनकामना बहुमुखी क्याम्पस, बिर्तामोडको १५औं वार्षिकोत्सव तथा नयाँ विद्यार्थी स्वागत कार्यक्रम शुक्रबार एक कार्यक्रमका बीच सम्पन्न भएको छ ।
त्रिभुवन विश्वविद्यालय परीक्षा नियन्त्रण कार्यालयका सहनियन्त्रक अर्जुन बरालको प्रमुख आतिथ्यमा भएको कार्यक्रममा कक्षा ११ र स्नातक तह प्रथम वर्षमा नयाँ भर्ना भएका विद्यार्थीहरुलाई अबिर र खादा लगाएर स्वागत गरिएको थियो ।
कार्यक्रममा स्नातक तह पहिलो वर्षको वार्षिक परीक्षामा उत्कृष्ठ अङ्क प्राप्त गर्ने छात्रा सम्झना खड्का, कक्षा १२ मा उत्कृष्ठ अङ्क प्राप्त गर्ने छात्रा ज्योत्स्ना प्रसाईं र कक्षा ११ मा उत्कृष्ठ अङ्क प्राप्त गर्ने छात्रा कञ्चन गुप्तालाई नगद पुरस्कारसहित सम्मान गरिएको छ ।
वार्षिकोत्सव तथा स्वागत कार्यक्रममा क्याम्पसमा अध्ययनरत विद्यार्थीहरुले साँस्कृतिक कार्यक्रम समेत प्रस्तुत गरेका थिए ।
Comments
Post a Comment