२८ माघ, खजुरगाछी।
साधु सन्यास एवं जिर्णोद्वार तथा एकल महिला आश्रम निर्माणका लागि गौरीगंज खजुरगाछीस्थित ऐतिहासिक धार्मिक धरोहर वैजेश्वरनाथ शिवालय तथा कोटेश्वर मन्दिरमा भएको श्रीमद्भागवत महापुराण धन-धान्याचल महायज्ञमा ५५ लाख रुपैयाँभन्दा बढी रकम संकलन भएको छ ।
माघ २२ गतेदेखि २८ गतेसम्म भएको महापुराणमा नगदसहित २३ कठ्ठा जग्गा, ३ वटा कोठाको निर्माण, धान, चामल संकलन भएको आर्थिक समितिका सहसंयोजक सानुराजा श्रेष्ठले बताए । पण्डित दिनबन्धु पोख्रेलले कथा वाचन तथा संगीतमय भजन कीर्तन भएको महापुराणमा दैनिक विहान योग शिविर, संगीतमय भजन भएको थियो । मन्दिरका महन्त हेमानन्द गिरीले सेवाभावबाट प्रेरित सबै भक्तजनबाट संकलन भएको रकमबाट आफू प्रफूल्लित भएको बताइन् । पुराणको खर्चको पुरा विवरण आइनसकेको जनाइएको छ
Comments
Post a Comment